ನೇಮಕಾತಿ ದಿನಾಂಕ: 10 ಏಪ್ರಿಲ್ 2015
ನಿವೃತ್ತಿ ದಿನಾಂಕ: 24 ಮೇ 2028
ವೃತ್ತಿಪರ ಪರಿಚಯ:
ನ್ಯಾಯಮೂರ್ತಿ ಅನು ಶಿವರಾಮನ್ ಅವರು ಇಂಗ್ಲಿಷ್ ಸಾಹಿತ್ಯದಲ್ಲಿ ಪದವಿ, ಪತ್ರಿಕೋದ್ಯಮದಲ್ಲಿ ಡಿಪ್ಲೊಮಾ ಹಾಗೂ ಕಾನೂನು ಪದವಿ ಪಡೆದಿದ್ದಾರೆ. 9 ಮಾರ್ಚ್ 1991ರಂದು ವಕೀಲರಾಗಿ ನೋಂದಾಯಿಸಿಕೊಂಡು ಕೇರಳ ಹೈಕೋರ್ಟ್ ಹಾಗೂ ಇತರ ನ್ಯಾಯಾಂಗ ವೇದಿಕೆಗಳಲ್ಲಿ ಸಾಂವಿಧಾನಿಕ ಮತ್ತು ಸಿವಿಲ್ ಕಾನೂನು ವಿಷಯಗಳಲ್ಲಿ ವೃತ್ತಿ ನಡೆಸಿದರು. ಕೊಚ್ಚಿನ್ ಕಾರ್ಪೊರೇಷನ್‌ನ ಸ್ಥಾಯಿ ವಕೀಲರು ಹಾಗೂ ಕೇರಳ ಸರ್ಕಾರದ ವಿವಿಧ ಹುದ್ದೆಗಳಲ್ಲಿಯೂ ಸೇವೆ ಸಲ್ಲಿಸಿದರು. 10 ಏಪ್ರಿಲ್ 2015ರಂದು ಕೇರಳ ಹೈಕೋರ್ಟ್‌ನ ಹೆಚ್ಚುವರಿ ನ್ಯಾಯಮೂರ್ತಿಯಾಗಿ ಮತ್ತು 5 ಏಪ್ರಿಲ್ 2017ರಂದು ಕಾಯಂ ನ್ಯಾಯಮೂರ್ತಿಯಾಗಿ ನೇಮಕಗೊಂಡರು. 21 ಮಾರ್ಚ್ 2024ರಂದು ಕರ್ನಾಟಕ ಹೈಕೋರ್ಟ್‌ಗೆ ವರ್ಗಾವಣೆಯಾಗಿ ಅಧಿಕಾರ ವಹಿಸಿಕೊಂಡರು.