ಸುಪ್ರೀಂ ಕೋರ್ಟ್ ನೇಮಕಾತಿ ದಿನಾಂಕ: 31 ಆಗಸ್ಟ್ 2021
ನಿವೃತ್ತಿ ದಿನಾಂಕ: 29 ಅಕ್ಟೋಬರ್ 2027
ವೃತ್ತಿಪರ ಪರಿಚಯ:
ನ್ಯಾಯಮೂರ್ತಿ ಬಿ. ವಿ. ನಾಗರತ್ನ ಅವರು 30 ಅಕ್ಟೋಬರ್ 1962ರಂದು ಬೆಂಗಳೂರಿನಲ್ಲಿ ಜನಿಸಿದರು. ದೆಹಲಿ ವಿಶ್ವವಿದ್ಯಾಲಯದ ಜೀಸಸ್ ಅಂಡ್ ಮೇರಿ ಕಾಲೇಜಿನಲ್ಲಿ ಇತಿಹಾಸ ವಿಷಯದಲ್ಲಿ ಪದವಿ ಹಾಗೂ ಕ್ಯಾಂಪಸ್ ಲಾ ಸೆಂಟರ್‌ನಲ್ಲಿ 1987ರಲ್ಲಿ ಕಾನೂನು ಪದವಿ ಪಡೆದರು. 1987ರಲ್ಲಿ ವಕೀಲ ವೃತ್ತಿ ಆರಂಭಿಸಿ, ಆಡಳಿತಾತ್ಮಕ, ಸಾಂವಿಧಾನಿಕ, ವಾಣಿಜ್ಯ ಮತ್ತು ಕೌಟುಂಬಿಕ ಕಾನೂನು ಕ್ಷೇತ್ರಗಳಲ್ಲಿ ಕಾರ್ಯನಿರ್ವಹಿಸಿದರು. 18 ಫೆಬ್ರವರಿ 2008ರಂದು ಕರ್ನಾಟಕ ಹೈಕೋರ್ಟ್‌ನ ಹೆಚ್ಚುವರಿ ನ್ಯಾಯಮೂರ್ತಿಯಾಗಿ ನೇಮಕಗೊಂಡು, 17 ಫೆಬ್ರವರಿ 2010ರಂದು ಕಾಯಂ ನ್ಯಾಯಮೂರ್ತಿಯಾದರು. ಕರ್ನಾಟಕ ನ್ಯಾಯಾಂಗ ಅಕಾಡೆಮಿಯ ಅಧ್ಯಕ್ಷೆ ಹಾಗೂ ಬೆಂಗಳೂರು ಮಧ್ಯಸ್ಥಿಕೆ ಕೇಂದ್ರದ ಅಧ್ಯಕ್ಷೆಯಾಗಿ ಸೇವೆ ಸಲ್ಲಿಸಿದರು. ಭಾರತದ ನ್ಯಾಯಾಲಯಗಳ ಕುರಿತಾದ “Courts of India” ಪುಸ್ತಕದ ಕನ್ನಡ ಅನುವಾದ ಕಾರ್ಯದ ನೇತೃತ್ವವನ್ನೂ ವಹಿಸಿದರು. 31 ಆಗಸ್ಟ್ 2021ರಂದು ಸುಪ್ರೀಂ ಕೋರ್ಟ್ ನ್ಯಾಯಮೂರ್ತಿಯಾಗಿ ನೇಮಕಗೊಂಡರು.